«Underdog» (бел.: Няўдачнік) — дэбютны студыйны альбом гурту Brutto, выдадзены ў 2014 годзе на онлайн-мультылэйбле «Пяршак»[1]. У 2015 годзе адбылося перавыданне альбома з дадатковымі песнямі ў якасці бонуса[2].

Underdog
Вокладка альбома Brutto «Underdog» (12 верасня 2014)
Студыйны альбом Brutto
Дата выпуску 12 верасня 2014
Запісаны 2014
Жанр панк-рок
Працягласць 37:15
Прадзюсар Brutto
Мова песень Англійская, беларуская, руская
Лэйбл Пяршак
Храналогія Brutto
UnderdogРодны край
(2015)

Гісторыя стварэнняПравіць

Праца над альбомам адбывалася на амерыканскай студыі «Sterling Sound NYC». Мастэрынгам займаўся Тэд Дженсен[en], запісам гука Андрэй Баброўка. Да выхада альбома ўбачылі свет два афіцыйных сінгла: «Brutto» і «Underdog». Альбом быў афіцыйна прадстаўлены 12 верасня 2014 года[3], без абвестак і прэс-рэлізаў[4]. У своеасаблівым маніфесце, які суправаджае прэм'еру альбома, гаворыцца[5]:

  З намі – зямля нашых бацькоў, з намі – нашы жонкі і дзеці. Мы – не адзіночкі. Побач – нашы сябры. Не замінайце нам мірна жыць, інакш атрымаеце п.... Мы прыйшлі даўно, а сыйдзем няхутка.  

Лідар гурта Сяргей Міхалок пра сваю дэбютную працу:

  Я, калі рабіў BRUTTO, пазбаўляўся ад усіх мемаў «Ляпіса». Ніякага ска, ніякіх духавых секцый, ніякіх складаных і насычаных метафарамі тэкстаў. Няўжо нехта на поўным сур’ёзе можа думаць, што чалавек, які напісаў «Клоуна нет», «Я верю» або «Воины света», які можа гадзіну несці поўную ахінею на любыя тэмы, зрабіў выпадковую памылку і ў песню «Мяч» не ўставіў 2–3 сур'ёзныя метафары? Гэта стыль BRUTTO.[6]  

Першапачаткова новы калектыў Сяргей Міхалок збіраўся рабіць з Сяргеем Кагадзеевым[ru] з гурта «НОМ[ru]», які раптоўна памёр у 2014 годзе. Таму, па меркаванню музычных экспертаў, Brutto — не столькі рок-група ў звыклым разуменні гэтага слова, колькі арт-праект, нацэлены, перш за ўсё, на эпатаж, перфоманс і эксперыменты з масавай свядомасцю[7].

Спіс кампазіцыйПравіць

Назоў Працягласць
1. «Brutto» 03:59
2. «Underdog» 02:31
3. «Гири» 02:23
4. «Наша возьме» (словы Я. Коласа) 01:52
5. «Веселей» 01:53
6. «Мяч» 03:15
7. «I Get Wet» (кавер-версія Andrew W.K.) 04:49
8. «Гарэза» 02:53
9. «Регби» 02:07
10. «The Chauffeur» (кавер-версія Duran Duran) 03:48
11. «Дворняги» 03:22
12. «Труд» 03:23
37:15

ПеравыданнеПравіць

 
Вокладка перавыдання альбома[8].
Назва Працягласць
1. «Воины света»  
2. «Железный»  
3. «Adиdas»  
4. «Kapital»  
5. «Священный огонь»  
6. «Гарри» (Demo Version)  
7. «Будзь Смелым!»  

Змест песенПравіць

«Brutto»Правіць

Песня без відавочнай сюжэтнай лініі. Тэкст і відэакліп мае характэрныя рысы маніфесту, таму што песня з'яўлялася першым творам, які быў прадстаўлены публіцы новаствораным калектывам.[9]

«Underdog»Правіць

Матывацыйная песня-гісторыя пра баксёра, які нягледзячы на жыццёвыя перашкоды і цяжкасці павінен верыць у сябе, змагацца і ісці да перамогі. Прыпеў падкрэслівае, што нават калі «на цябе ніхто не ставіць», то «прымусіш сябе паважаць». Песню спявае Сяргей Міхалок, па сюжэце відэакліпа ён выконвае ролю трэнера.[10]

«Гири»Правіць

Песня на спартыўную тэматыку, прапагандуе здаровы лад жыцця. Песню выконвае вакаліст гурта Сяргей «Бразіл», які з'яўляецца аматарам цяжкай атлетыкі. Галоўны пасыл складаецца ў тым, што «гіры — лепшыя ў свеце сябры мужчыны». Відэакліп на песню таксама ўтрымоўвае кадры з цяжкаатлетам у стылі рэтра.[11]

«Наша возьме»Правіць

Песня на верш Якуба Коласа, напісаная пра тых, хто змагаецца па розных кірунках за сваю справу і верыць у перамогу, а не сыходзіць з абранага шляху. Класік спрабуе выказаць у гэтым тэксце ўсю глыбіню і боль беларускага народу. Асноўную вакальную партыю выканаў Віталь Гуркоў. Відэакліп на песню зняты ў спартыўнай тэматыцы.[12]

«Веселей»Правіць

«Мяч»Правіць

«I Get Wet»Правіць

«Гарэза»Правіць

«Регби»Правіць

«The Chauffeur»Правіць

«Дворняги»Правіць

«Труд»Правіць

Дадатковыя звесткіПравіць

Альбом з'явіўся праз 12 дзён з моманту афіцыйнага стварэння гурта[13]. Альбом складаецца з 12 песен[14], у тым ліку дзве з іх на беларускай мове[15]. 8 песен прысвечаны тэме спорта і здаровага ладу жыцця. Адна з кампазіцый напісаная на верш Якуба Коласа «Наша возьме»[16], таксама ёсць два кавера: «I Get Wet» (амерыканскага выканаўцы Andrew W.K.) і «The Chauffeur» (гурта Duran Duran)[17]. Удзельнік гурта Віталь Гуркоў, які з'яўляецца чэмпіёнам свету па тайскім боксе[18], на конт адаптацыі верша беларускага класіка:

  Гэты верш Коласа ведаў яшчэ са школы, але ніколі ня думаў, што яго можна аформіць у панк-рок і тым больш, што я буду далучаны да гэтай справы. Гэтыя словы былі напісаныя даўно, але мне здаецца, што яны будуць актуальнымі заўжды і кожны можа знайсці ў іх свой сэнс.[19]  

На песні «Brutto»[20], «Underdog»[21], «Гири»[22], «Мяч»[23], «Наша возьме»[24] з альбома былі зняты відэакліпы. У відэакліпе на песню «Brutto» зняліся сыны Сяргея Міхалка, а ў здымках відэакліпа на песню «Наша возьме» прынялі ўдзел гульцы мінскай каманды па амерыканскім футболе «Літвіны»[25]. Беларускі тур пад назвай «Double Hot» у падтрымку ў тым ліку і дэбютнага альбома адбыўся ў 2017 годзе, завяршальны канцэрт тура адбыўся ў Мінску 8 сакавіка на пляцоўцы «Минск-Арена».[26]

КрытыкаПравіць

Паводле меркавання музычнага крытыка Сяргея Будкіна, альбом — гэта тыя ж «песні нашага двара», што і ў «Ляпісе» першага разліву[27]. Крытык Ягор Цывілька адзначыў, што дэбютны альбом быў надта хутка прад'яўлены публіцы, што абумовіла яго пасрэднасць[27]. Музычны журналіст Дзмітрый Безкаравайны лічыць:

  Увогуле, з улікам велічыні фігуры Міхалка ўсё зроблена катэгарычна дрэнна. Я б нават сказаў нікуды не вартым. Але не верыцца, што ён раптам развучыўся пісаць песні і заадно страціў слых, а, значыць, сама сабой напрошваецца думка, што Сяргей так і хацеў. І тут ужо варта задацца пытаннем «навошта?». Варыянтаў адказу тут шмат, так што сачыць далей за гэтым праектам будзе цікава.  

Паводле музычнага крытытка Аляксандра Чарнуха:

  Калі ў двух кампазіцыях, якія выходзілі ў выглядзе сінглаў, яшчэ прасочваецца хаця б мінімальная праца над аранжыроўкамі, то на працягу астатняга часу альбома мы назіраем альбо за прымітыўным гітарным пераборам, альбо за аднастайнымі хардкорнымі рыфамі. <...> Тэкставы складнік кружэлки, па-добраму, трэба наогул абыходзіць бокам.  

Музычныя журналісты рускага выдання часопіса «Rolling Stone» пры ўсёй сімпатыі да Сяргея Міхалка канстатавалі відавочную няўдачу адносна дэбютнага рэліза яго новага гурта.[28] Расійскі музычны журналіст Аляксей Мажаеў[ru] праводзіць паралелі манеры выканання песен ўдзельнікамі гурта з выканаўцам «спартыўных прыпевак» Сярогай[29].

ВыканаўцыПравіць

Удзельнікі запісаПравіць

Зноскі

  1. І ты, Brutto. Multilabel 34 «Пяршак». Праверана 13 лютага 2017.
  2. BRUTTO — Underdog. Discogs. Праверана 14 лютага 2017. (англ.) 
  3. Подробное описание альбома - UNDERDOG (2014). Фан-сайт Brutto (12 верасня 2014). Праверана 7 лютага 2017. (руск.) 
  4. Міхалок і BRUTTO прадставілі альбом «Underdog». Хартыя '97 (14 верасня 2014). Праверана 13 лютага 2017.
  5. Дэбютны альбом BRUTTO: Underdog (аўдыё). Салідарнасць (12 верасня 2014). Праверана 13 лютага 2017.
  6. Міхалок: вялікае інтэрв’ю. Інтэрнэт-часопіс 34mag.net. Праверана 15 лютага 2017.
  7. Brutto «Underdog». KM.RU (25 снежня 2014). Праверана 15 лютага 2017. (руск.) 
  8. Полное описание альбома - Переиздание альбома UNDERDOG (2015). Фан-сайт Brutto (2015-03-152). Праверана 14 лютага 2017. (руск.) 
  9. BRUTTO (руск.) . ВКонтакте. Праверана 5 ліпеня 2017.
  10. Текст песни: BRUTTO — Underdog (руск.) . Фан-сайт группы — «BRUTTO» (13 верасня 2014). Праверана 4 ліпеня 2017.
  11. Вышел клип BRUTTO на песню «Гири» (руск.) . TUT.BY (6 кастрычніка 2014). Праверана 30 чэрвеня 2017.
  12. Наша возьме. Якуб Колас. Праверана 4 ліпеня 2017.
  13. Группа BRUTTO Сергея Михалка представила первый альбом Underdog. Белорусские новости Naviny.by (29 кастрычніка 2014). Праверана 13 лютага 2017. (руск.) 
  14. Сергей Михалок выпустил дебютный альбом группы Brutto. Презентация TUT!. Белорусский портал TUT.BY (14 верасня 2014). Праверана 13 лютага 2017. (руск.) 
  15. Brutto Сергея Михалка издала дебютный альбом «Underdog». Белорусский партизан (14 верасня 2014). Праверана 13 лютага 2017. (руск.) 
  16. Новы гурт Сяргея Міхалка Brutto прадставіў дэбютны альбом Underdog. Радыё Свабода (12 верасня 2014). Праверана 13 лютага 2017.
  17. Brutto Сяргея Міхалка выдаў дэбютны альбом «Underdog» (слухаць). euroradio.fm (12 верасня 2014). Праверана 13 лютага 2017.
  18. Масса Brutto. Ultra-Music (15 верасня 2014). Праверана 15 лютага 2017. (руск.) 
  19. «Мы прыйшлі даўно, а сыйдзем няхутка»: гурт Brutto выдаў дэбютны альбом «Underdog». Штодзённік Generation.by (12 верасня 2014). Праверана 13 лютага 2017.
  20. BRUTTO — Brutto (Official Music Video). Афіцыйны сайт гурта. Праверана 14 лютага 2017. (руск.) 
  21. BRUTTO — Underdog (Official Music Video). Афіцыйны сайт гурта. Праверана 14 лютага 2017. (руск.) 
  22. BRUTTO — Гири (Official Music Video). Афіцыйны сайт гурта. Праверана 14 лютага 2017. (руск.) 
  23. BRUTTO — Мяч (Official Music Video). Афіцыйны сайт гурта. Праверана 14 лютага 2017. (руск.) 
  24. BRUTTO — Наша Возьме (Official Music Video). Афіцыйны сайт гурта. Праверана 14 лютага 2017. (руск.) 
  25. Новый клип: Brutto «Наша возьме». Open.ua (26 снежня 2014). Праверана 15 лютага 2017. (руск.) 
  26. Brutto на «Минск-Арене». Было круто! (руск.) . Белорусские новости Naviny.by (8 сакавіка 2017). Праверана 5 ліпеня 2017.
  27. 27,0 27,1 Brutto «Underdog» (+аудио). Музыкальный гид eXperty.by (29 кастрычніка 2014). Праверана 7 лютага 2017.
  28. Rolling Stone, 12 верасня 2014
  29. Brutto - «Underdog» ***. Информационное агентство InterMedia (4 кастрычніка 2014). Праверана 15 лютага 2017. (руск.) 
  30. Brutto прэзентуюць кліп на песню «Гири». Грамадская культурніцкая кампанія «Будзьма беларусамі!» (6 кастрычніка 2014). Праверана 15 лютага 2017.

ЛітаратураПравіць

  • Андрэй Бухарын. Brutto — «Underdog» (руск.)  // Rolling Stone Russia : часопіс. — 12 верасня 2014.

СпасылкіПравіць