Павел Фёдаравіч Тоўсцікаў
Павел Фёдаравіч Тоўсцікаў (13 (26) кастрычніка 1904 — 24 красавіка 1985) — савецкі военачальнік, гвардыі генерал-маёр (29.4.1945). Удзельнік Вялікай Айчыннай вайны. Герой Савецкага Саюза (1945).
Павел Фёдаравіч Тоўсцікаў | |
---|---|
Дата нараджэння | 26 кастрычніка 1904 |
Месца нараджэння | |
Дата смерці | 24 красавіка 1985 (80 гадоў) |
Месца смерці | |
Месца пахавання | |
Альма-матар | |
Грамадзянства | |
Прыналежнасць | Расійская імперыя, СССР |
Род войскаў | пяхота |
Гады службы | 1926—1957 |
Званне | гвардыі генерал-маёр |
Часць | 11-я гвардзейская армія, 3-і Беларускі фронт |
Камандаваў | 1-я гвардзейская стралковая Пралетарская Маскоўска-Мінская Чырванасцяжная ордэна Суворава дывізія |
Бітвы/войны | Вялікая Айчынная вайна |
Узнагароды і званні | |
У адстаўцы | з 1957 года |
Біяграфія правіць
П. Ф. Тоўсцікаў нарадзіўся ў горадзе Барысаў (зараз у Мінскай вобласці Беларусі). Скончыў 9 класаў школы, з 12 гадоў у вольны ад вучобы час працаваў на шклозаводзе і запалкавай фабрыцы. У 1926 годзе прызваны ў Чырвоную Армію, да 1929 года праходзіў службу ў Барысаве. У 1930 годзе скончыў Кіеўскую пяхотную школу (5-е ваеннае вучылішча імя С. Каменева?[1]).
Удзельнік Вялікай Айчыннай вайны з чэрвеня 1941 г. Вайну сустрэў на мяжы СССР у раёне горада Гродна на пасадзе начальніка аператыўнага аддзела 27-й Омскай стралковай дывізіі. Ваяваў на Цэнтральным, Заходнім, Бранскім, 1-м Прыбалтыйскім, 3-м Беларускім франтах. Удзельнік абарончых баёў на тэрыторыі Беларусі, абароны Масквы, Курскай бітвы. Дывізія пад камандаваннем палкоўніка П. Тоўсцікава вызначылася ў баях за вызваленне Барысава, Мінска, за гарады Кёнігсберг, Пілаў, пры фарсіраванні Беразіны і Нёмана.
Пасля Перамогі П. Ф. Тоўсцікаў працягваў службу на пасадзе камандзіра дывізіі. У 1949 годзе скончыў курсы ўдасканалення афіцэрскага саставу, у 1953 годзе Вышэйшыя акадэмічныя курсы пры Акадэміі Генштаба. Займаў пасады ў цэнтральным апараце Міністэрства абароны СССР. З 1957 года П. Ф. Тоўсцікаў у адстаўцы. Жыў у Маскве.
Узнагароды правіць
- Медаль «Залатая Зорка»
- 2 ордэны Леніна
- 5 ордэнаў Чырвонага Сцяга
- Ордэны Суворава 1-й і 2-й ступені
- Ордэн Кутузава 2-й ступені
- Ордэны Айчыннай вайны 1-й і 2-й ступені
- 2 ордэны Чырвонай Зоркі
- Медаль «За абарону Масквы»
- Медаль «За перамогу над Германіяй у Вялікай Айчыннай вайне 1941—1945 гг.»
- Медаль «20 гадоў перамогі ў Вялікай Айчыннай вайне 1941—1945 гг.»
- іншыя ўзнагароды
Памяць правіць
- Ганаровы грамадзянін Барысава (1969[1])
- Імем П. Ф. Тоўсцікава названыя вуліцы ў Барысаве і Калінінградзе[2].
Зноскі
- ↑ а б Долготович Б. Д. Почётные граждане белорусских городов: биограф. справочник / Б. Д. Долготович. — Мн.: Беларусь, 2008. — С. 264. — 368 с. — 2 000 экз. — ISBN 978-985-01-0784-8. (руск.)
- ↑ ЭЛЕКТРОННАЯ ВЕРСИЯ БОЛЬШОГО ЭНЦИКЛОПЕДИЧЕСКИЙ СЛОВАРЯ КАЛИНИНГРАДСКОЙ ОБЛАСТИ (руск.)
Літаратура правіць
- Тоўсцікаў Павел Фёдаравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 494. — 10 000 экз. — ISBN 985-11-0035-8. — ISBN 985-11-0251-2 (т. 15).
- Долготович Б. Д. Почётные граждане белорусских городов: биограф. справочник (руск.) / Б. Д. Долготович. — Мн.: Беларусь, 2008. — С. 264. — 368 с. — 2 000 экз. — ISBN 978-985-01-0784-8.
Спасылкі правіць
- Павел Фёдаравіч Тоўсцікаў на сайце «Героі краіны»
- Улица имени П. Ф. Толстикова Архівавана 5 сакавіка 2016. (руск.)
- Герои Советского Союза — уроженцы Борисовщины Архівавана 5 сакавіка 2016. (руск.)