Алістэр Картэр (англ.: Allister Carter; нар. 25 ліпеня 1979, Колчэстэр, графства Эсэкс, Англія) — англійскі прафесійны гулец у снукер. Двухразовы фіналіст чэмпіянатаў свету (2008, 2012) і былы другі нумар сусветнага рэйтынгу (2010/2011). Пераможца чатырох рэйтынгавых турніраў (уваходзіць у топ-20 снукерыстаў у гісторыі па колькасці перамог рэйтынгавага ўзроўню). З сезона 2002/2003 нязменна ўваходзіць у топ-32, а з ліпеня 2016 года — у топ-16 сусветнага рэйтынгу.

Алістэр Картэр
Снукер
Снукер

англ.: Allister Carter
Фота
 
Дата нараджэння: 25 ліпеня 1979(1979-07-25) (44 гады)
Месца нараджэння:
Грамадзянства:  Англія
Вядучая рука: правая
Прафесійная кар'ера: 1996–...
Найвышэйшы рэйтынг: 2 (04.10.201013.12.2010)
Цяперашні рэйтынг: 13 (25 верасня 2017)
Прызавыя грошы: > £2,100,000
Найвышэйшая серыя: 147 (2 разы:
Чэмпіянат свету 2008,
German Masters 2017 (квал.))
Колькасць соценных серый: 239
Перамогі на турнірах
Рэйтынгавыя турніры: 4
Нізкарэйтынгавыя турніры: 1
Іншыя прафесійныя турніры: 2
Чэмпіянат свету: фінал (2008, 2012)

Стаў прафесіяналам у 1996 годзе ва ўзросце 17 гадоў, а ў 1999 годзе дэбютаваў у асноўнай стадыі рэйтынгавага турніру на адкрытым чэмпіянаце Уэльса. У тым жа годзе дайшоў да рэйтынгавага паўфіналу на Гран-Пры і перамог на турніры Benson and Hedges Championship, што дазволіла яму ў 2000 годзе дэбютаваць на Мастэрс — найбуйнейшым запрашальным спаборніцтве. У сезоне 2002/2003 увайшоў у топ-32 снукерыстаў свету і ўпершыню патрапіў у асноўную стадыю чэмпіянату свету, а ў сезоне 2006/2007 упершыню стаў гульцом топ-16 і дайшоў да свайго другога рэйтынгавага паўфіналу на кубку Мальты. У 2008 годзе дайшоў да фіналу чэмпіянату свету, які таксама стаў яго першым рэйтынгавым фіналам, дзе саступіў Роні О’Салівану (8:18), а ў наступным сезоне дайшоў да паўфіналаў чатырох рэйтынгавых турніраў (у тым ліку другога па значнасці снукернага турніру — чэмпіянату Вялікабрытаніі), здабыўшы свой першы тытул рэйтынгавага ўзроўню на адкрытым чэмпіянаце Уэльса. У сезоне 2010/2011 выйграў другі рэйтынгавы турнір, Шанхай Мастэрс, і падняўся на найвышэйшае для сябе другое месца ў сусветным рэйтынгу. У 2012 годзе ў другі раз дайшоў да фіналу чэмпіянату свету, дзе зноў прайграў Роні О’Салівану (11:18), а таксама ў другі раз дайшоў да паўфіналу на чэмпіянаце Вялікабрытаніі, што застаецца яго найлепшым вынікам на першым з турніраў Трайной кароны. У 2013 годзе перамог на German Masters, які стаў яго трэцім рэйтынгавым тытулам, але ў сярэдзіне года ў яго быў дыягнаставаны тэстыкулярны рак, з-за чаго ён быў вымушаны прапусціць частку наступнага сезона і страціў форму, апусціўшыся на 32-е месца ў рэйтынгу ў 2016 годзе, аднак у пачатку сезона 2016/2017 здабыў чацвёртую рэйтынгавую перамогу на World Open і вярнуўся ў эліту сусветнага снукера. Два разы даходзіў да чвэрцьфіналаў на турніры Мастэрс (2009, 2015), але ніколі не праходзіў далей. З 2003 года змагаецца з хваробай Крона.

У агульнай колькасці займаў другое месца ў сусветным рэйтынгу больш за два месяцы. Апроч чатырох рэйтынгавых спаборніцтваў і Benson and Hedges Championship выйграў нізкарэйтынгавы Пол Хантэр Класік у 2015 годзе. У 2011 годзе разам з Маркам Сэлбі прадстаўляў зборную Англіі на кубку свету, вывеўшы яе ў чвэрцьфінальную стадыю. За прафесійную кар'еру аформіў больш за 200 сэнчуры-брэйкаў і ўваходзіць у топ-25 гульцоў з найбольшай колькасцю соценных серый у гісторыі снукера, а таксама зарабіў больш за два мільёны фунтаў стэрлінгаў, уваходзячы ў топ-25 снукерыстаў у гісторыі па гэтым паказчыку. За сваю кар'еру выканаў два максімальныя брэйкі.

Фіналы турніраў правіць

Рэйтынгавыя турніры: 8 (4 перамогі, 4 паразы) правіць

Легенда
Чэмпіянат свету (0:2)
Чэмпіянат Вялікабрытаніі (0:0)
Іншыя (4:1)


Вынік Год Турнір Апанент у фінале Лік
1 Параза 2008 Чэмпіянат свету ОСалйван Ронй  Роні О’Саліван 8:18
2 Перамога 2009 Адкрыты чэмпіянат Уэльса Свэйл Джо  Джо Свэйл 9:5
3 Параза 2010 Адкрыты чэмпіянат Уэльса Хйгйнс Джон  Джон Хігінс 4:9
4 Перамога 2010 Шанхай Мастэрс Бёрнэт Джэймй  Джэймі Бёрнэт 10:7
5 Параза 2012 Чэмпіянат свету ОСалйван Ронй  Роні О’Саліван 11:18
6 Перамога 2013 German Masters Фу Марка  Марка Фу 9:6
7 Перамога 2016 World Open Пэры Джо  Джо Пэры 10:8
8 Параза 2017 German Masters Хэмйлтан Энтанй  Энтані Хэмілтан 6:9

Нізкарэйтынгавыя турніры: 1 (1 перамога) правіць

Вынік Год Турнір Апанент у фінале Лік
1 Перамога 2015 Пол Хантэр Класік Меярфй Шон  Шон Мёрфі 4:3

Прафесійныя снукерныя турніры: 13 (6 перамог, 7 паразаў) правіць

Легенда
Рэйтынгавыя турніры (4:4)
Нізкарэйтынгавыя турніры (1:0)
Нярэйтынгавыя турніры (1:3)
Турніры з альтэрнатыўным фарматам (0:0)


Вынік ПДВ Дата Турнір Апанент у фінале Лік
Перамога 1 10 лістапада 1999 Benson and Hedges Championship, Малверн, Англія Бэдфард Сайман  Сайман Бэдфард 9:4
Параза 1 23 лістапада 2005 Кваліфікацыя да Мастэрс, Прэстацін, Уэльс Бйнэм Сцюарт  Сцюарт Бінэм 3:6
Параза 2 5 мая 2008 Чэмпіянат свету, Шэфілд, Англія ОСалйван Ронй  Роні О’Саліван 8:18
Перамога 2 22 лютага 2009 Адкрыты чэмпіянат Уэльса, Ньюпарт, Уэльс Свэйл Джо  Джо Свэйл 9:5
Параза 3 31 студзеня 2010 Адкрыты чэмпіянат Уэльса, Ньюпарт, Уэльс Хйгйнс Джон  Джон Хігінс 4:9
Перамога 3 12 верасня 2010 Шанхай Мастэрс, Шанхай, Кітай Бёрнэт Джэймй  Джэймі Бёрнэт 10:7
Параза 4 10 ліпеня 2011 Усі Класік, Усі, Кітай Сэлбй Марк  Марк Сэлбі 7:9
Параза 5 7 мая 2012 Чэмпіянат свету, Шэфілд, Англія ОСалйван Ронй  Роні О’Саліван 11:18
Перамога 4 3 лютага 2013 German Masters, Берлін, Германія Фу Марка  Марка Фу 9:6
Параза 6 21 сакавіка 2013 Championship League, Сток, Англія Гоулд Мартын  Мартын Гоўлд 2:3
Перамога 5 30 жніўня 2015 Пол Хантэр Класік, Фюрт, Германія Меярфй Шон  Шон Мёрфі 4:3
Перамога 6 31 ліпеня 2016 World Open, Юйшань, Кітай Пэры Джо  Джо Пэры 10:8
Параза 7 5 лютага 2017 German Masters, Берлін, Германія Хэмйлтан Энтанй  Энтані Хэмілтан 6:9

Запрашальныя турніры: 2 (2 перамогі) правіць

Вынік ПДВ Дата Турнір Апанент у фінале Лік
Перамога 1 2008 Кубак Хуаншаня, Хуаншань, Кітай Фу Марка  Марка Фу 5:3
Перамога 2 18 кастрычніка 2014 General Cup, Ганконг Меярфй Шон  Шон Мёрфі 7:6

Крыніцы правіць

Спасылкі правіць