Вікіпедыя:Старонкі размоў

Кароткая спасылка-перанакіраванне ВП:СР

У кожнага артыкула ёсць старонка размоў, на яе можна перайсці па ўкладцы «размовы» угары. На гэтай старонцы ўдзельнікі каардынуюць працу па стварэнні, паляпшэнні зместу і якасці артыкула. Асабліва важна гэта пры магчымай вайне правак. Свае старонкі размоў таксама ёсць у іншых старонак Вікіпедыі, усе яны знаходзяцца ў прасторах з няцотным кодам. Размовы, якія не тычацца пэўнай старонкі, звычайна, вядуцца на старонках у прасторы «Вікіпедыя:» — напрыклад, на форуме.

Правілы размоў правіць

  ВП:ПД

Старонка размоў артыкула не павінна выкарыстоўвацца як форум для пабочных размоў пра прадмет артыкула або для выкладання асабістых поглядаў удзельнікаў, бо змест артыкула павінен грунтавацца на аўтарытэтных крыніцах.

У размовах не дапушчальны абразы, пагрозы і пераходы на асобу апанента. Калі ласка, выказвайцеся пра артыкулы, а не аўтараў.

Выкарыстанне ненарматыўнай і лаянкавай лексікі дапушчальна толькі на старонках размоў артыкулаў пра такую лексіку.

У Вікіпедыі, як і ўсюды, не варта ўдавацца ў бессэнсоўныя спрэчкі — памятайце пра мэту размовы пра артыкул: якасць і верагоднасць яго энцыклапедычнага зместу. Спрэчкі звычайна вырашаюцца дасягненнем кансэнсусу.

Не варта змяняць тэкст чужых паведамленняў. Для змены ўласных паведамленняў пажадана карыстацца <s>закрэсліваннем</s>.

Свае паведамленні на старонках размоў абавязкова падпісвайце.

Структура старонкі правіць

== Тэма 1 ==
...
...

== Тэма 2 ==
...

Старонка размоў складаецца з асобных частак — «тэм размоў», таксама званых «галінамі». Тэмы ствараюцца аўтаматычна з дапамогай загалоўкаў, якія аформлены з дапамогай вікіразметкі сімваламі «=» (падрабязней).

Стварэнне тэмы правіць

Звычайна новыя тэмы дадаюцца знізу з дапамогай укладкі «дадаць тэму» (або «+» у некаторых варыянтах афармлення), а для загалоўка тэмы ёсць асобнае поле «тэма/загаловак». Аднак на старонках форума і некаторых іншых новыя тэмы дадаюцца зверху, і ў акне правак даводзіцца ўручную дадаваць «== загаловак ==».

Загаловак павінен коратка адлюстроўваць сутнасць пачатай размовы. Не ўжывайце бессэнсоўных загалоўкаў — «пытанне», «каментар» і падобныя. Не ўжывайце ў загалоўках шаблоны.

Праўка тэмы правіць

Для дадавання паведамлення ў існую тэму трэба націснуць спасылку [правіць] справа ад загалоўка. Пры гэтым тэкст загалоўка аўтаматычна дадаецца ў поле апісання праўкі паміж /* і */. Пасля запісу праўкі MediaWiki аўтаматычна пераўтворыць гэта ў спасылку на частку з такой назвай.

На некаторых старонках (напрыклад «Вікіпедыя:Запыты да адміністратараў») непажадана пачынаць праўку са службовага падраздзелу «Вынік», бо спасылка на частку ў апісанні праўкі робіцца бескарыснай.

Афармленне паведамленняў правіць

Рэпліка [[user:Хтосьці|Хтосьці]] 18:40, 10 жніўня 2008 (UTC)
: Адказ. [[user:Хтосьці 2|Хтосьці 2]] 18:40, 10 жніўня 2008 (UTC)
:: Яшчэ адказ. ~~~~

Сваё паведамленне варта дадаваць з новага радка ў самым канцы існай тэмы. Пры гэтым варта з дапамогай двукроп’яў павялічыць водступ злева ў параўнанні з папярэднім паведамленнем. У тым выпадку, калі водступ папярэдняга паведамлення вельмі вялікі, можна зноў перайсці да левага краю без водступаў (для пазначэння такога пераходу можна ўжываць шаблон {{Адступленне}}, які стварае такую лінію: ┌──┘).

Калі вы хочаце дадаць паведамленне ў сярэдзіну тэмы, варта дадаткова павялічыць водступ, каб не было ўражання, што наступная (ужо напісаная) рэпліка з’яўляецца адказам на вашу. Альтэрнатыўным варыянтам з'яўляецца дадаванне паведамлення ў самым нізе, але з пазнакай, каму вы адказваеце.